Għal appuntament mal-Unit, l-impjegati jistgħu jċemplu jew jibagħtu e-mail biex jitolbu appuntament  , jew jimlew il-formula li tinsab fuq is-sit web tal-ESP. Hekk kif jikkuntattjaw il-Unit, l-impjegati jingħataw appuntament mas-servizz ta' sapport biex il-bżonnijiet tagħhom jiġu mifhuma aħjar. Jekk ikun meħtieġ sapport addizzjonali, l-impjegati jiġi riferuti lis-servizz tal-counselling għas-sapport neċessarju. Is-servizzi u l-interventi kollha huma pprovduti minn tim multidixxiplinarju  ta’ professjonisti, inklużi ħaddiema soċjali, psikologi, counsellors u psikoterapisti. Is-servizz huwa offrut lill-impjegati mingħajr ħlas.

Appuntamenti mal-ESP Unit jistgħu jsiru matul jew wara l-ħin tax-xogħol, skont il-preferenza tal-impjegati. Jekk l-impjegati jixtiequ jattendu waqt il-ħin tax-xogħol tagħhom, jeħtieġu jiksbu l-approvazzjoni minn qabel tas-superjur tagħhom. Il-Unit tipprovdi konferma bil-miktub lil dawk l-impjegati li jkunu se jaċċessaw il-Unit waqt il-ħin tax-xogħol tagħhom. 

L-ESP tipprovdi sapport lill-impjegati li qed jesperjenzaw diffikultajiet bħal:


• Stress u diffikultajiet ta’ saħħa mentali
• Niket u luttu
• Problemi fiż-żwieġ jew f’relazzjonijiet
• Vjolenza domestika
• Vizzji 
• Tħassib dwar it-trobbija tat-tfal u l-familja
• Diffikultajiet relatati max-xogħol li għandhom impatt fuq il-benessri
• Sitwazzjonijiet kritiċi

Jekk qed tesperjenza diffikultajiet bħal dawk imsemmija hawn fuq jew sitwazzjonijiet oħra li għandu mnejn jaffettwaw il-benessri tiegħek, tista’ titlob appuntament hawnhekk.

L-appuntamenti jistgħu jiġu offruti online wkoll, permezz ta’ Microsoft Teams. 

Il-ħinijiet tal-ftuħ tal-ESP:

Ħinijiet tal-Ftuħ tax-Xitwa:
It-Tnejn u l-Ġimgħa - 08:00 –16:00
It-Tlieta, L-Erbgħa u l-Ħamis - 08:00 –19:00 


Ħinijiet tal-Ftuħ tas-Sajf:
It-Tnejn, L-Erbgħa u l-Ġimgħa - 08:00 –14:00
It-Tlieta u l-Ħamis - 08:00 –17:00